fußmarsch!

[stefan]

in munta wor fa da klasse aus a obschlussgrilln in stephansdorf( )

danoch hot jedo schaugn gemeg, wiea ham kem isch.
erschto hot mi ana fa do klasse af brk. genum, danoch da bruido fa an klassnkolleg bis welschberg.

noar bini gston. ba da ausfahrt ost um 01.30 uhr...

wos tat man?

stoppn? "ok, stoppi" honi mo gedenkt, hon immohin schun innichn-innsbruck und hinto gstoppn, also weri woll fa welschberg af innichn kem...

denkste!!

et dassi kan auto audaholtn hat... obo es sein holt kana gfohrn, sem tu la!

noar honi mo gedenkt:"itz gei amol a stuck, ausfohrt progs konni olbm no stoppn..."

gesagt, getan, gegangen... is gian isch mo inangaling lama leicht gfoll, bin obo decht fa da progsa kreizung bis niedodorf mit jemand mitgfohrn, danoch obo glei wido zi fuiß weita!

irgndwende (i glab, es wor ban camping noch niedodorf) isch mo fierkem: des mussi itz durchholtn, des isch volle geil, gian, gian, gian, gian...
noar bini holt gong und gong und gong....


bis di karpf augholtn hom... zwischn niedodorf und tobla ba der gschissnen baustelle sanse afamol lengsoma gewordn und schließlich stian gebliebn.


wosi do tu, homse mi gfrog...

"gian"

amol schaugn ob do olls in ordnung isch, homse gewellt...

"do isch mein ausweis"

wie weit is no hon, homse mi gfrog...

"innichn"

wenn se et in di ondre richtung zi tian hattn, nemmatnse mi mit...

"tut nicht, i ge schun seit welschberg, des gfollt mo"

noar isch recht, und aupassn solli af mi....


und weitagong... und gong... bolli in innichn wor, honi an umweg gemocht, mi afn dorfplotz niedogsetzt und awin di runde gschaug, wor lama genial... des gfühl, des gschofft zi hom, di karpf voblüfft zi hom... anfoch herrlich


währndn gian, mittlt in da nocht, wenn man gonz alan isch fi a poor stunn, noar dafrog man volle viel ibo sich selbo - selbsterfahrungstrip, jedem zi empfehlen!
_________________


no!blog

[pmp]

zach zach

10 km bische sem sicho gong, wenn et mehra...

munta isch ebn a a wochntog.. und du hoschs glabi gemerkt...


isch holt a puff wenn man vo weita auswerts isch und in Bruneck ausmocht. Es isch holt et wie in a groasstodt wo die s-bohnen bis 3-4a fohrn...

[mini]

Fääätte Story!

[felix]

des san heintzitoge no di leschtn Herausforderungen an di Menschn;
irgendwie kenni des Gfühl longe aso afnocht zi stian und zi stoppn: wenn niamand holtit noa geat dos volle, obo irgndwenne ischs oan lamano egal und man krig so a Gefühl...
_________________
Das Tier frisst, der Mensch isst, doch nur der Mann mit Geist, speist!

[ruffy]

mir ishs am somsta vor 2 wochn ähnlich gong:

i hon mit vik und doc glabe gstoppn. di sem hot jemand bis oaling mitginumm, i hon khofft, dass i no jemand dowish, der mi bis welshberg mitnimp.noch ando holbn stunde hot la a türke koltn, do sel, polla geschn hot, dasse a typb in, hot noa lamano gsog, er fohrt la 2 km...
naja...weita gstoppn, noa hotme a ex-klassnkollege mitginumm....bis oaling. sem hone weitagstopn. 5 autos sein vobei, i shaug afn himml achn und sich: "oh shiens wetto werd!" plötzlich kimpmo do gedonke:"oaling welshberg...ish jo et weit...zi wos gibs in radlweg" jo, noa bine ibo mittooaling noch obooaling(wome tausnd viel stolla pa 'keils windmühlkello ungikekst hom') und fa sem richtung stausea. do radlweg hot zum glück an belog aus weißn shodo und so hone ano in weg guit gsechn(ca. 10 meto weit)
noch 1,5 h wore noar in welsberg, ibiglücklich, und es wor lamano geil!!! wer nochn ausgien no zi viel energie hot, soll wirklich amol zi fuiß hoam gien, so a geils erlebnis krieg man heinte seltn..und wie do sülze shun gschriebn hot: man dofrog volle viel ibo sich selbo...la zi empfehl!!!!!
_________________
Ein Experte ist ein Mann, der hinterher genau sagen kann, warum seine Prognose nicht gestimmt hat.

[stefan]

@ruffy: wie olbm triffsche a itz in nogl genau afn kopf (sorry, obo mir kem in dei zuistände olbm selcha ausdrücke ibo di fingo)

es brings wirklich und i wett, es gib sogor schun leit dei mit ähnlicha "selbsterfohrungsabenteuer" guits geld vodien...
sie schickn di leit mittlt di nocht af an weg und sogn: "do misstas itz hingian, des werd segn, wieviel des af der 'reise' ibo enk learnt"

fi gstressta manager odo so...
_________________


no!blog

[mini]

stefan und ruffy: i bin mächtig stolz af enk
Ondra Leit maul schun wennse afnocht fan Harde - Bruneck gien missn!
DE sollatn sich amol a Beispiel nemm...

Wi warsen mit an gemeinsomen YoW*wirgeh'nafnochtzusammenvonBrunecknachWelsberg*Treffn?
Do Gewinna krig a por noia Schuiche *loool*
ähhm, jo.
Na... wosse sougn giwellt hon:
I glab dass man af di "natürliche Ruhe in do Natur"(hehe) erscht achte gib, wenn man awin älta/reifer giwordn isch...
Des soll iatz et hoasn, dass des zwoa sella olta Säkke seit (i konn redn...), obbo jednfolls honne bis iatz no nie fa sella junga Hupfa kert, wi schiens in do Natur decht isch!
...bis iatz...

UND:

[ruffy]

[matic]

De Diskussion isch lamano krank abo geil!
Itz vostien mir wohl olla de gonzn senioren und pensionischten de is Fahrad rechts odo links (olmzur straße hin) hebn und zi fuiß gien!
Klar aus Selbscherfahrung, mit 75 denkt man hot noar übos ganze Lebn noch...
_________________
www.Vik.net.tf
www.REALity.rocks.it
www.Wallpaper-megapage.de

[stefan]