5 Beste F1 Fahrer aller Zeiten

[armada91]

In Wurz hobis vogessn

[enjoyit]

ohne Reihenfolge:
-Mika Häkkinen
-Michael Schumacher
-Alain Prost
-Juan Manuel Fangio
-Jacky Ickx (leido nia Weltmeisto wordn)

obo de Liste isch eigntl. eh viel zu kurz!
_________________
Dem Kapitalismus wohnt ein Laster inne: Die Verteilung der Güter. Dem Sozialismus hingegen wohnt eine Tugend inne: Die gleichmäßige Verteilung des Elends.

Winston Churchill, 30.11.1874 - 24.01.1965
brit. Politiker und Nobelpreisträger

[pete]

guit und recht wennas enk do a wian beteiligt buibn,
obo schreib mo schumacher bitte ohne H
_________________

[maxi97]

1. Michael Schumacher
2. Felipe Massa
3. Kimi Räkkönen
4. Fernando Alonso
5. Alain Prost

[spinnichen]

Do hom apoor woll an Schuss odo die Formel 1 seit 2 johr vofolgt:) iats net bled giret obo wie konman Felipe Massa, Raikkonen, Vettel, Button, ecc. zidi bestn Formel1 Fohra olla Zeiten zehln?!

I glab man konn net 5 Fohra auzähln weil es worn ziemlich viel storka und fadi WM Titel sein folgende sicho unto die "bestn".

Meine Liste schaugat so aus:
1. Michael Schumacher
2..Juan Manuel Fangio
3. Alain Prost
4. Jackie Stewart
5. Ayrton Senna

Weni sunst no Erinnorungen hon wos Kämpfa worn sem folltmo do Graham Hill, Jacques Villeneuve odo a do Montoya in.

[maxi97]

jo jedo hot a ondora meinung

[pete]

In der liste fahln leido einige fohra de mit gonz viel herz und leidnschoft untowegs worn, obo leido gottes entwedo zi friah vounglückt sein odo meistns zur folschn zeit im folschn wogn gsessn sein:

Nigel Mansell:
hot ollm riesndramen gemocht, isch 86, 87 und 91 relativ knopp und durch viel pech jeweils am WM Titel gscheitort bevors 92 im reifn olto va 39 johr endlich gereicht hot.

James Hunt:
a heißsporn, oando va die letzn wirklichn playboys in do formel 1. A vollrausch in tog vorn rennen und a tschigge vor und nochn start wor ba ihm routine
Hots 76 zi weltmeisto ehrn broucht und isch schließlich 93 an herzinforkt gstorbn.

Jean Alesi:
do liebling va die ferrari-onhänga. 89 in die formel 1 kemm und ingschlog wie a bombe. Sei fehla wor ende 90 in ferrari votrog zi untoschreibn anstott is ongebot va williams unzinemm...somit hota die goldene wiliams ära 92-97 und somit bestimmt a wenigstns oan Titl vopasst
wosn bliebn isch wor an anzigo GP-Sieg 95 in Kanada

Gilles Villeneuve:
mit ihm werd wo ewig die legendäre Ferrari Nummo 27 in Vobindung gebrocht werdn.
Isch zi ando zeit ba ferrari gfohrn wo se net wirklich konkurrenzfähig worn...nichtsdestotrotz hota a poor herausrognda siege gfeirt.
Solong is Auto no mindestns is lenkrad und 2 rafn dron ghob ischa ollm no weitagfohrn, augebn hots ba ihm nia gebn. Isch noar leido 82 in do Quali zin Belgien GP tödlich vounglückt

Stefan Bellof:
wohrscheinlich a Jahrhundorttalent. Im legendärn regenrenn 84 in Monaco wo a do stern va an gewissn Ayrton Senna augong isch hota sich im untolegenen Tyrrell bis af P3 vorgekämpft. Und er hätt in führndn Prost sowie in Senna no gschnupft war is Rennen wegn regen et ogebrochn wordn. Sei Grundspeed wor enorm, obo a sein risiko.
So ischa wenig späta ba an longstreckn rennen in spa vounglückt.

Elio de Angelis:
charismatischo Italiena mit gonz viel Feingefühl. Hot 85 als Teamkollege ba Lotus in Senna mehr als la paroli bietn gekennt, isch obo is johr drau ba brabham-testfohrtn gstorbn...wor bis zin senna 94 do letzte formel 1 tote

Jochen Rindt:
sehr schnell und risikobereit. Gonz jungo in die F1 kemm, bold zin Topteam Lotus augstiegn. Do anzige posthume Weltmeisto in do F1-Geschichte. 1970 in Monza vounglückt obo wenig späta als titlträga festgstonn

Jim Clark:
seines zeichns WM 63 und 65. Hot die 60er dominiert wies prost/senna odo a schumacher in ihrdo ära getun hom. In an Formel 2 rennen in Hockenheim gegn an bam gfohrn und gstorbn.


also wie as secht, es isch et leicht sich af die 5 BESTN fohra va do geschichte festzilegn..ziviel faktorn spieln a rolle.
die 5 ERFOLGREICHSTN hingegn lossn sich leichta auzähln, de do warn:

Schumacher
Fangio
Prost
Senna
Piquet/Lauda/Stewart

ajo do follt mo au, in Nelson Piquet hot a no niamand erwähnt. Tjo do se wor eha a taktika, a schlauo Typ, und hot mit Psychospielchn vosuicht seina Gegner auszitricksn und zi demotiviern Sicho a topfohra obo van reinen Speed her tat ihn et goonz zi die bestn zähln. Hot als teamkollege van M. Schumacher in dessen 2. F1-Gp direkt a mords
Watsche kassiert ^^
_________________

[duddi]

pete du bisch a freak

a geilo fohra wor a do damon hill weilmos grod infollt...
_________________
Ein Kansas City Shuffle ist, wenn alle Welt nach rechts kuckt, während du links rum gehst

[pete]

@duddi


i wor jo friaha a unmeglich f1 fanat, mit 10 johr ungheb zi schaugn, olls wos gong isch ^^

unzähliga biacho kriag/gekaft und sogor aufzeichungen va olta rennen in vollo länge bstellt

va die 90a woaße praktisch olls, donoch hot do fanatismus schian longsom nochgelod..
heint ischs a nimma sovl geil wie friaha

stimmp, damon hill wor a lässigo typ, hon ihn friaha als groaßn schumi-rivaln obo ollm ghoßt
_________________

[fobeplatz]

ban orf suichnse an noidn heinz prüller! bewerb di pete!
_________________
SHIFT_the future